Aggus

Di kra n wagguren kan, tuɣal teqcict d yelli-tsen. Ula d wid izedɣen ddaw n uxxam, mačči d abrid neɣ sin i ceyyɛen tiḥdayin ad steqsint fell-as, ticki ur tt-walan ara ! - Ruḥ kan muqel ma ur tuḍin ara. Ɣas ma yella wass ideg tuḍen, ur iẓer yiwen, tettagad ad as-ɛeddzen medden i ccɣel : - Ur iyi-yuɣ wara, s teɣzi n leɛmer-ik, a Xal. - Ha-t-an tettussuḍ ?! - D ciṭuḥ n usemmiḍ kan n ṣṣbeḥ, mi d-ffɣeɣ ur sburreɣ ara lbaliṭa...